India ramah electric scooter eng emaw zat a awm tawh a, chung zinga hralh kal ber chu Ola a ni. Ola hi April thla chhung khan 12,698 zet hralh chhuah a ni a, No.1 hauh rengtu Hero electric chu a nek chhuak - Ather, TVS iQube, Bajaj Chetak leh Okinawa te chu hralh kal zual an ni bawk. 

Ola hian electic scooter model pakhat S1 Pro an tichhuak a, a tir atang phatin ngaihven a hlawh nghal a nih kha. Tunah chuan electric two wheeler siam chhuaktu lian ber a ni der tawh. Ola hi March thla khan  9,140 hralh chhuah a ni a, April-ah 39% zeta pung chhoin 12,698 lai hralh chhuah niin Hero electric a khum ta a ni. 

Okinawa chu hralh chhuah tam pahnihna a ni a, April thla chhung khan 11,010 lai hralh chhuah a ni. Hetih lai hian company dang zingah 10,000 hralh chhuak tling an awm lo a, No.1 hauh thin Hero meuh pawh an che hlei thei lo. 

Electric Scooter hralh kal zual (April 2022)
1. Ola - 12,698 unit
2. Okinawa - 11,010 unit 
3. Hero Electric - 6,576 unit
4. Ampere - 6,539 unit
5. Ather - 2,447 unit
6. Pur EV - 1,756 unit
7. TVS - 1,417 unit
8. Revolt - 1,239 unit
9. Bajaj - 1,121 unit
10. Jitendra - 915 unit