December 14, 2023; Electric Veng Branch YMA chuan nizan (13.12.23) khan Krismas Carol Service an buatsaih.

YMA section hrang hrang te mahni section ṭheuhah an carol a, an zawhah EYMA Hall-ah an kal khawm leh a, zaihona hun nuam tak an hmang a ni.

Carol hian Rs. 3,32,310/- an khawn chhuak a, mi harsa zawkte'n Krismas hlim taka an hman theina'n an pe chhuak leh dawn a ni.

He hun hi bialtu MLA, Home Minister ni bawk K. Sapdanga'n tel puiin, mi harsa te tana sum thawhtu, veng mipui fakawm a tih thu leh hlim taka hun hman paha midang tana luanchhuahna remchang buatsaihtu, YMA hruaitute inpekna a fakawm a tih thu a tarlang.