Elon Musk leh Grimes an inthen

Admin - Sep 26, 2021

Mutbu zawng zawng erawh an la tel fel lo thung

Sum leh pai ngah hi inkawp remna chu nise anni aia daih rei tur an awm lo hial ang, mahse sumin engkim a lei thei bik si lo - a tawpah chuan an inthen a tul ve ta. Elon Musk leh Grimes te chu kum thum chhung an chen dun hnuah an inthen a, an mutbu zawng zawng erawh an la tel fel lo thung. 

Kum 50 mi SpaceX founder Elon Musk chuan Zirtawpni khan hemi chungchang hi sawiin an awm hran tawh tur thu a sawi a, chutih rual chuan an inkar erawh an chhut chat nghal vek lo tih a tarlang bawk. 

Musk leh Grimes te hi 2018 atang khan an inzui tan a, innei lo mahse an cheng duna fa pawh an nei tawh nghe nghe. An inkar hi a tha lo fo tih media te chuan tarlangin, Grimes rai lai phei kha chuan an inhmu thiam lo zing hle niin an sawi. 

Musk hi SpaceX leh Teslan tan theihtawp chhuahin a buai hle a, khawvel hmun hrang hrangah a zin kual thin. Grimes erawh Los Angeles-ah a khawsa deuh chawt a, hun an hman dun tam loh avangin an inthen phah hial ta niin an tarlang. Nikum lam pawh khan social media kaltlangin vantlang hriatah an lo inchhang viau tawh bawk a ni awm e. 

Canadian musician, singer, songwriter leh record producer ni bawk Grimes hi kum 33 mi a ni a, a hming tak chu Claire Boucher a ni. Grimes hi chu a 'stage name' niin, hriat pawh a hlawh ve hle. Mi hausa tawntaw Musk nen an inzui hnu phei hi chuan hriat a hlawh leh zual a, hmangaihna par erawh an tlan dun rei lo hle. 

Tesla Motors CEO Elon Musk hian Grimes nen an intwn hma hian nupui pathum a lo nei tawh a, fa pawh pasarih lai a nei tawh a ni. Canadian author Justine Musk nen 2000 kum khan in neiin, hemi hnu hian Talulah Riley (2013–2016) leh Talulah Riley (2010–2012) te a nei leh bawk. Grimes nen hian fapa X Æ A-Xii an nei. 

Share now