Rap khawvelah chuan a ni aia boruak nei lian an awm lo ang tih ngam Eminem chuan chanchin thar a rawn nei leh ta a, kuminah album thar a tichhuak leh dawn. Album a tihchhuah tur chungchang hi a thian tha leh thawhpui ni bawk Dr. Dre chuan a puang a ni.

Kum 59 mi American rapper Dr. Dre chuan Eminem hian kum li hnua a studio album hmasa ber tur a buaipui mek tih a sawi a, hla pawh thenkhat chu a record tawh tih 'Jimmy Kimmel Live!' show-ah a sawi chhuak a ni. Kum 51 mi Eminem hian 2020 khan 'Music to be Murdered By' album a tichhuak a, hemi hnu hian album dang a la tichhuak leh lo a ni. 

'Lose Yourself' hitmaker Eminem hian 50 Cent nen joint album an buaipui loh thu a sawi a, thawk duna album buaipui anga sawi chu thu dik lo a nih thu a rawn nemnghet. Eminem leh 50 Cent te hi vawi eng emaw zat an lo thawk dun tawh a, tun hnaiah erawh thawhdun tumna an nei lo thung. 

Eminem album thar tur hi kuminah tihchhuah a ni dawn a, a title tur erawh puanzar a la ni lo.