American rapper chuai thei lo Eminem chuan a hla tihchhuah tawh 'Killer' chu Jack Harlow leh Cordae te thawhpuiin remix a tichuak leh ta. 

American rapper pathum - Eminem, Jack Harlow leh Cordae te hian May 28, Zirtawpni khan 'Killer' remix hi an tichhuak a, official music video erawh a la awm ta chuang lo. Kum 48 mi lai ni ve tawh Eminem chuan 'Killer' hi a album tihchhuah leh tur a mi a nih thu a sawi a, album thar a chhawpchhuak leh ngei dawn a nih hmel hle. 

Eminem hian nikum December khan 'Killer' hi a tichhuak a, mi maktaduai riat chuangin an view tawh - a remix pawh hi mi maktaduai hnih dawnin an view leh tawh bawk. A danglamna i hriat duh chuan ngaithla phawt rawh, rap music ngainatute tan chuan hmaih phal chi a ni lo.