ZALEN January 9, 2025 : Vawiin khan Union Minister of State for Tribal Affairs Minister Sh Durgadas Uikey chuan Hotel Regency, Zarkawt, Aizawl ah thuthar thehdarhtute kawmna hun a hmang a, he hunah hian Tlangnuam-a sak mek EMRS a tlawh chu duhthu a sam loh thu a sawi.

Durgadas Uikey chuan BJP Mizoram hruaitu te ngenna in Eklavya Model Residential School (Tribal Residential School) Tlangnuam a tlawh a. Social Welfare & Tribal Affairs Secretary, Director leh Officer ten an lo dawngsawng a. School Building leh Hostel sak tha tawklo chu pawi a tih thu leh siam that ngai te siam tha tûrin Department hotu leh Contractor te a hriattîr nghal a, zawh huna zo ngei turin a ti bawk.

Durgadas chuan PM Modi an Tribal naupang ten senso ngailo a a thlawn a zirna tha an hmuh theih na atana vaibelchhe tam tak senna tur ni mahse phal taka pêk a nih thu sawiin, Social Welfare Department thawktu leh Contractor te chu an fate awmna tur anga ngai a, tha tak a thawh a tul thu a sawi a, tribal naupang te guardian an nih anga hna thawk zêl tûrin a chah a, hna tha lo thawktu chu chunglam pawhin a ngaihdam theih a rinloh thu a sawi.

Educational loan chungchangah zawhna chhangin minister chuan Mizorama zirlai ten education loan lak harsa chu a rang lama a ngaihtuahtuaha, thuneitute a sawipui tur thu a sawi a, central school, Kendriya Vidyalaya School tam zawk siam a tul thu leh a buipui tur thu a sawi bawk.