Aizawl July 3, 2023 : Excise & Narcotics Department chuan an thu dawn bawhzuiin July 2, 2023 (Pathianni) zan 10:30 khan Bawngkawn, Sairang Road-ah Heroin Kg 4 & gram 85 (Hawng 362) leh a neitu nia puh mi pahnih an man. Ti hian kumin-ah Heroin No 4 an man hi Kg 36.432 a tling tawh.

An mi man te hi Abu Saleh Mohammad Saiyd Uddin (25) s/o Abdul Fattah, 266- Near Machudhury Memorial H/S, Defolala, Karimganj, Assam leh Samir Akhtar Laskar (30) s/o Manir Uddin Laskar, Gabindapur, Cachar, Assam niin an inchhal. 

Heroin phurhna atana hman TATA Intra V50 Pik-up Regn No AS 11/EC-5379 pawh hren a ni. Heng heroin te hi Myanmar atanga lak, state danga thawn chhuah tur a ni. Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.

Excise & Narcotics Department hian kum 2023 chhung hian hetiang hian Ruihhlo leh a kaihhnawih an man tawh:

Particulars        UNIT           Quantity

Rakzu                 In litre         43,855
IMFL (750 ml)     In bottle      9,358
IMFL (375 ml)     In bottle      1130
IMFL (180 ml)     In bottle      835
Beer (650)           In bottle     76
Beer (500 ml)      In can         18,500
BEDC                  In litre         1,473
Heroin                In Kg           36.432
Ganja                  In Kg          70.024
Cough Syrup      In phial       2,565
Alprazolam         In tablet     4,389
Nitrazepam        In tablet      366
Tramadol            In tablet      547