Aizawl February 4, 2024 : Excise & Narcotics Department chuan kum kalta 2023 chhung khan Mizoram sawrkarah pawisa Rs. 262,40,546 an chhung lut.

END-in sawrkara sum an chhun luhte hi Foreign Liquor & Spirit atanga hmuh Rs. 207,06,006, Fines & Confiscation Rs. 50,69,160 leh hmun dang atanga hmuh Rs. 4,65,380 te an ni.

END hian nikum chhung vek khan tual chhung siam zu litre 81,221.885, heroin kg 76.058, ganja kg 179.233 leh ruihhlo dang eng emaw zat an man a. Ruihhlo phurhna atana hman lirthei two wheeler 118, three wheeler 15, LMV 131, MMV pakua leh HMV 10 an man bawk.

Nikum chhung vek khan END hian ND&PS Act 1985 hnuaiah thubuai 725 ziak lutin he dan hnuaiah hian mihring 1088 an man a. MLP Act ‘19 hnuaiah mihring 5,536, ME Act ‘73 hnuaiah mihring 430 leh Drugs & Liquor Law hnuaiah ram dang mi 83 an man bawk.