Aizawl April 3, 2024 : Excise & Narcotics Department chuan 3rd April, 2024 (Nilaini) chawhma dar 10:30 khan Aizawl View, Falkland Veng-ah Heroin Kg 5 & Gram 427 (Hawng 440) leh a neitu nia puh mi pahnih – Lalnunmawia aka Puia (38) s/o Chhutjosawma (L), Teidu, Tripura (tuna Edenthar Venga khawsa mek) leh Lalchawiliana (34) s/o Thankhuma, Khampat Kanaan, Myanmar (tuna Vairengte Kawngthar venga khawsa mek) nia inchhalte chu an man.

Heng Heroin te hi Myanmar atanga rawn lak, Second Hand Bale kara thuhruk an ni. Heroin phurh kualna atana hman, TATA YODHA truck (MZ01 V-2018) pawh hrensak nghal an ni.

Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni. He thubuaiah hian thiam loh chantir an nih chuan Kum 10 atanga Kum 20 thleng Jail tan leh pawisa `1,00,000 atanga 2,00,000 thleng chawi bawk tura hrem theih an ni ang.