Aizawl July ni 25, 2024 : Vawiin hian MPCC Treasurer Dr. Lalmalsawma Nghaka leh MPCC hruaitu thenkhatte chuan tunlaia Mizoram hmun hrang hranga êng hmuh that tawk loh avangin Power & Electricity Dept a Chief Engineer an hmu.

Dr. Lalmalsawma Nghaka hian tun fur khaw chhiat laia thli leh ruah avangin electric line a tih chhiat avanga theihtawp chhuaha a siam that hna thawk a, êng neih theih nana thih ngam lu pu a, electric bana lawna siam that hna thawktu P&E Dept a thawktute chungah lawmthu a sawi a.

Hetih lai hian Zoram hmun hrang hrangah êng kan nei chhe lutuk chu a ngaimawh thu Dr. Lalmalsawma Nghaka chuan sawiin Aizawl khawpui chhung ngeiah pawh veng thenkhatah chuan nikhatah vawi 10 chuang lai mai eng a thih thin thute leh electric hmanga eizawng chi chhungkaw engemaw zat a nghawng thu sawiin electric eng tha zawk an neih theih nana hma la turin a ngen a ni.

MPCC Treasurer chuan, electric hmanga eizawng chhungkaw tam takten eng an hmuh that loh avanga an eizawnna mai bakah an khawl neih chhun ang angte a chhiat phah nia sawiin eng hi chhe hle mah se, eng chhit man a hniam phah lo chu mak a tih thu sawiin hemi chungchanga hmalak sak turin P&E Chief Engineer chu a ngen bawk.