Aizawl: Zirtawpni khan Lunglei Government College (LGC) RUSA Hall-ah entrepreneurship chungchang zirhona leh intihsiakna neih a ni.
Mizo thalai tam zawk ten mahni kutkawih ngeia eizawnna kawng an dap theihna tura sawrkar hmalakna “Start Up India, Mizoram Yatra” chu 25th February 2019 atanga 5th March 2019 thleng hian Mizoram hmun hrang hrangah kalpui a ni a. He hmalakna hnuaiah hian Zirtawpni khan Lunglei Government College (LGC) RUSA Hall-ah entrepreneurship chungchang zirhona leh intihsiakna hlawhtling taka neih a, entrepreneurship lama tuimi te leh Lunglei khawpui chhunga college zirlai thahnem tak an kalkhawm.
He program hi Lalduhawma, Associate Professor, LGC in kaihruaiin Start Up India atangin Aakarshan Sethi–in zirlai kalkhawmte entrepreneurship chungchang zirtirna pein ram hmasawnna chak taka kalpui tur chuan mahni kut ke ngeia eizawnna dap thiam entrepreneurs thahnem tak neih a tul thu te sawiho a ni.
Hemi hnu ah hian intihsiakna neih niin entrepreneur nih tum te chu tehfung hrang hrang hmangin Jury Member pathum Agnes L Khawlhring, Associate Professor LGC, C.Lalremruati, DIPRO Lunglei leh Ramnundanga, HATIM ten an lo endik a. He intihsiaknaa ti tha mi 7 te chu 5th March 2019-a Aizawla Grand Finale a tel tura thlanchhuah an ni.
“Start Up India, Mizoram Yatra” hi Department of Industrial Policy & Promotion, Government of India leh Mizoram Sawrkar tangkawp buatsaih niin a tum ber chu entrepreneurship lama awareness pek leh zirlai, hetiang lama tui mi te competition hmang a hmasawn thei tur a chherchhuah a ni a. Category hrang hrangah Award siam a ni a, Award category hrang hrangah pawisa engemawzat a keng tel a ni.

Entrepreneur thlanchhuah

1. David K Zodinpuia, Thaizawl – Poultry Feed Manufacturing
2. Ramdinmawia, Haulawng – Fertilizer Manufacturing
3. K. Lalrinawma, Venglai Lunglei – Mechanized Brick Making
   4.Zochansangi, Rahsiveng, Lunglei – Food Processing
   5.V Rokhawlkima, Ramthar, Lunglei – Memento & Souvenirs
   6.R. Lalhmunmawiia, Zobawk – Food Processing
4. KC Lalhmingmawia, Chanmari – Mechanized Charcoal te an ni.