ZALEN, December 26, 2025: Lunglei College veng naupang zai thiam, Esther Hnamte tia hriat lar, Esther Lalduhawmi Hnamte chuan vawiin chawhma khan president hnen atangin India rama naupang chawimawina sang ber, Pradhan Mantri Rashtriya Bal Purashkar (Prime Minister’s National Award for Children) a dawng.

Esther Hnamte hian kum li mi lek ni chunga India hnam hla, ‘Vande Mataram’ hla a sak avangin India ram pumah a lar hle a, a hla ngaithlatu leh hluttu mi maktaduai tel a neih avanga he chawimawina hi dawng a ni.

Lunglei West bialtu MLA T.Lalhlimpuia chuan Esther Hnamte-in a bial chhung atanga hetiang chawimawina a dawng hi a lawmpui thu a sawi.

Pradhan Mantri Rashtriya Bal Puraskar (PMRBP) hi naupang kum nga atanga kum 18 inkar, an thil tihnaa thawk tha bik chungchuangte hnenah pek thin a ni.