Aizawl; Mizo Student Union chuan chuan March ni 12,2014 khian Champhai-ah Federal Body Meeting neiin, rampum huap inkhawmpui reng reng zirlaite'n exam pawimawh an neih laia hman a nih loh nan hmalak an rel dawn tih an sawi. MSU Federal Body Meeting neiha an thurel turte hi nimin khan an President, Zodinpuia hovin thlitfim a ni a, agenda 7 an pawm zingah hian Mizoram sorkar hnaa rualbanlote tana 3% Seat Reservation awm luahkhat tur dik tak ten an luah khah theih nan hmalak nise tihte, India ram leh ram pawn hmun hrang hranga Mizo zirlaite leh hnathawkte bum an awm tawh lohna tura hma lak chungchang te, zirtirtu ai kal la leh mahni thawhna hmuna awm duhlo dapchhuak a, a tul angin hmalak rawtna te leh Higher & Technical Education Directorate chu Directorate pahnih - Higher leh Technical Directorate-a thenhran a nih theih na tura hmalak te a tel bawk. MSU Federal Body Meeting hi Champhai I&PR Auditorium-ah neih a ni ang a, zanlamah Champhai Town Hall-ah MSU Nite, ’Inpumkhat Zan” hman a ni bawk ang.