ZALEN September 30, 2026 : Section 51A of the NDPS Act, 1985 leh NDPS (Seizure, Storage, Sampling and Disposal) Rules, 2022-in a phut angin vawiin chawhnu dar 1:00 khan Bethani Multipurpose Farm, Phunchawng-ah Excise & Narcotics Department-in ruihhlo an man, case 106 atanga Court lama chinfel tawh chu Commissioner of Excise & Narcotics Z. Lalhmangaiha chuan a hal ral. 

Z. Lalhmangaiha chuan, “Heng ruihhlo kan halt e hi ruihhlo dona kawnga kan thawhpui, Mizoram Police, Central YMA, tlawmngai pawl hrang hrangte leh agency dangte nena kan thawhhona vang a ni. Vawiinah hian ruihhlo hal tur tlem tak nei ila, a theih phei chuan hal tur neih loh hial a chakawm. Chutih rualin ruihhlo dona kawngah sawrkar tha tichak zel turin Mizoram mipuite kan ngen a ni,” a ti.

Ruihhlo hal ral inkhawm hi Drug Disposal Committee Chairman Peter Zohmingthanga, Joint Commissioner-in a kaihruai a, Mandy Lianchhingpuii, Dy. Commissioner leh Secretary, Drug Disposal Committee-in report pein Pu David Lalmawia, Asst. Commissioner-in lawmthu a sawi a ni.  

He ruihhlo hal ral inkhawm hi Mizoram Police, Central YMA, Media lam leh Ruihhlo dona kawnga thawkho agency thenkhatten an hmanpui a ni. 

Excise & Narcotics Department-in ruihhlo a halral chu hengte hi an ni: