Aizawl : Mizo National Front chuan thuchhuah siamin, Dr.K.Beichhua, Excise & Narcotics Minister leh MNF Adviser ni bawk chu ruihhlo donaah a thawhhlawk hle niin an sawi a, Excise & Narcotics Department changtu minister hi assets (hmanrua) beitham tak nen a che tha hle niin an tarlang.

MNF chuan Excise & Narcotics Department chu hawktu mi 380 chauh leh lirthei indaih lo tak chungin, ruihhlo do chhunzawm chho zelin hmun hrang hrangah an che na hle, an ti. 

Dr. Beichhua chuan, "Rangvamual te khu tunah zuk kalin zu enthlithlai mah ula, tunhmaa a tawp thin dante ngaihtuahin, tun dinhmunah chuan felfai tawh tak a ni tih in hmu thei maiin ka ring," a ti. A tul chuan amah ngei pawh ruihtheih thil dapin vawi engemaw zat ramhnuaia a luh tawh thu sawiin, "Ruihhlo kan tirem vek dawn kan ti lo. Amaherawhchu theihtawpin kan do zel dawn," a ti.

MNF chuan Mizoram zu zawrh titawp nghaltu Minister Dr.K.Beichhua hmalakna kal zelah Lunglei thlen hma Pukpui dai-ah Ni 10.12.2021 khan  Champhai atanga Lunglei rawn panpui heroin (No.4) 316 grams (Hawng 25), Meth mum 50000 (4.915kgs) chu a phurhna motor leh a neitu mi pali te nen man an ti a, hemi ni vek hian Excise & Narcotics Department chuan an zu man court-a chinfel tawh tam tham tak chu Phunchawnga Bethani Multipurpose Farm-ah an tichhe vek an ti bawk.