Aizawl December 19, 2023 : Excise & Narcotics Department Minister Lalnghinglova Hmar hova Department officer te ruahmanna angin kumin 2023 Krismas leh 2024 Kumthar vuakvet laia Mizoram chhungah mipuiten thlamuang taka kutpui kan hman theihna turin Standard Operating Procedures (SOP) angin District tinah Special Drive kalpui tan a ni.

Hunpui hman mek laia mipui him zawk nan khualzin phur lirthei chi hrang hrang – Bus, Taxi, Maxi Cab etc driver te pawh zu leh ruihtheih thildang an ruih leh ruih loh enfiah mek zel an ni. Rangvamual kawngah pawh ngawrh taka endik an ni.

Hunpui lai hian zu leh ruihhlo leh a kaihhnawiha inhnamhnawih lo turin mipuite ngen an ni.

Kumin December thla (1st Dec to 19th Dec, 2023) chhunga Excise & Narcotics Department-in zu leh ruihhlo an man tawh dan chu hetiang hi a ni:

Particulars    Quantity      

Rakzu       57,717.740 Lits   

IMFL       1,026.450 Lits   

Beer       1,521.650 Lits   

BEDC       2.100 Lits

Foreign Liquor   126.500 Lits

Heroin       764.560 grams

Ganja       28.249 Kgs

Cough       Syrup 500 phials