Aizawl April 11, 2024 : Vawiin khan Union Minister for External Affairs Jaishankar chuan Hotel Regency-ah 2024 Lok Sabha Election atana BJP Mizoram Vision Document Highlight chu a tlangzarh a, BJP Candidate an thlang tlina an hmalakna tur te a sawi.

Jaishankar chuan nuai 10 thleng mitin ten an hman theih tur Ayushman Bharat Card siam a nih tur thu te, CHC, PHC< CHC leh District thuam that nan Crore 1000/- a a nih tur thu te, ZMC chu Rigional Institute of Medical College (RIMS) a hlankai a nih tur thu a sawi.

Sawrkar sikul thuam that nan crore 300 dah a nih tur thu leh sawrkar college thuam that nan crore 400 dah a nih tur thu a sawi a, Engineering, Medical, Nursing College engemaw zat din a nih tur thu a sawi bawk.

Heng bakah hian Kuthnathawktute tan scheme hrang hrang dun a nih tur thu te, Economic, Industrial leh Infrastructure development lama nasa taka hmalak a nih tur thu te, Tourism lama hmalak a nih dan tur te, Mi tin tana hamthatna tur hrang hrang bakah Sports Development leh Hmeichhe tihchak te chu an hmalakna tur a nih thu te a sawi bawk.