Infiamna

F1 driver zingah Michael Schumacher a hausa ber

Admin - May 02, 2021

Heng driver hausa top 5 zingah hi chuan i rin loh deuh te pawh an rawn lang maithei a ni.

Khawvel motor company hausa te inelna a nih avangin Formula One infiamna huangah hian sum a tlem thei lo. Driver zingah hian tunge hausa ber ang tiin in zawt ta ila, rilruah Hamilton leh Schumacher te an rawn lang nghal ngei ang.

Hming langsar dang pawh an rawn lang maithei mahse, heng driver hausa top 5 zingah hi chuan i rin loh deuh te pawh an rawn lang maithei a ni. Chung fak hlawh valrual zinga sum ngah ber ber te chu:

1. Michael Schumacher : Formula One legend Michael Schumacher-a ropuina chu tunhnaiah vawi sarih champion thei Hamilton-a nen khai khin ani ta fo va. Mi tam zawk te erawh chuan Schumacher-a ropuina leh Hamilton-a hlawhtlinna hi chu khaikhin chiah an ruat rihlo thung. Schumacher kha chu nomawi huma podium a ding, champion ani satliah lo. A theihna khan midang phurna leh thathona a pe a, sport lama midang tana entawn tur hnutchhiahtu ropui ani an ti. German pa hi F1-ah tum sarih a champion thei a, chung zinga tum li chu kum zawnin a champion. A hunlai hian tun angin pawisa leklam nilo mahse, a chungnunna avang khan a larin sum leh paiah nasa taka vur a nih phah. Hamilton-a sum neih let thum ngawt neiin $780 million a nei a, Mahse, ani hi vanduaithlak takin kum 2013 khan a chetsualna lamah a luah hliam a tuar a, tun thlengin natna khumah enkawl ngaiin ala ni.

2. Lewis Hamilton: Mi tam zawk chuan a sang ber turah inlo dah ngeiin a rinawm. Mahse, pahnihna a luah phak hram a, he British mihang tlangval hi F1-ah vawi 7 lai a champion tawh a, tunah hian he race hi ala chawlhsan loh avangin F1 driver ropui leh champion tam ber record siam thei dinhmunah a ding mek. Mercedes a khal atang hian kum khatah US$30 million hlawhin sponsorship deal atangin sum thahnem tak a lalut bawk. Tuna a sum neih zawng zawng hi $300 million anga chhut a ni.

3. Fernando Alonso: Fernando Alonso hi tlemin a hlui ve deuh tawh avangin hre lo pawh kan awm nual tawh mai thei. A ni hi tum hnih world championship niin kum 2005 leh 2006 khan Renault khalhin a kum zawnin a champion a ni. Thang khat lian zet nitawh mahse, tunlai driver te aiin sum a la ngah a, a sum neih hi an chhut danin US $220 million a ni.

4. Kimi Raikkonen: Thawkkhat lai chu Kimi Raikkonen hian khawvel athlete zinga sum hlawh chhuak tam ber nihna te pawh alo hauh ve tawh. Tunah kum 41 a ni ve tawh a, Formula 1 khawvelah hian kum 12 zet hun hmangin a sum neih hlut zawng chu $200 million ala ni hem mai..

5. Alain Prost : Frenchman zinga circuit racer tha ber an tih thin Alain Prost hian title pali a hlawh chhuak a, a vanglai a a lar em vangin sum lakluh kawngah pawh nasa takin hma a sawn a, a hmuing hi rei thang lo mah se driver lar zawk te aiin sum a dek chhuak tam zawk tlat a ni. Tuna a sum neih an chhut dan chuan US $180 million vel a ni.