March 28, 2021 - Motor siam company liante inelna Formula 1 season thar chu zanin dar 8:30 hian Bahrain khawpuiah an tan dawn.

Zirtawpni practice vawi hnihah Max Verstappen, Red Bull-Honda chu a thleng hma ber a, Lando Norris, McLaren-Mercedes-in a dawt a ni. F1 driver ropui Michael Schumacher-a record nih ruala, khum ngei tumtu champion lai Lewis Hamilton, Mercedes chu pathumnaah a thleng a, Carlos Sainz, Ferrari-in a dawt a ni.

Pre-season-a che tha Red Bull team an chetha tluang a, tun season hian Mercedes nen inel hle tura ngaih an ni. Mercedes boss Toto Wolff pawhin zanin an intlansiak tur chu Max Verstappen, Red Bull chu tlan pelh a harsa hle a a rinthu a sawi. 

F1 season tharah hian legend Michael Schumacher-a fapa Mick Schumacher pawh Haas team aiawhin a inlan ve dawn a, a pa lal ram thin formula 1-ah hian kum 22 mi hian a pa hnung zuiin a champion ve thei a ngem. Mick hi F2 lama tawnhriat nei tha a ni.