Aizawl: Pachhunga University College hnuaia Department of Management leh Department of Commerce tangkawp buatsaihin faina leh plastic tel lo tura inzirtirna hun chu Zirtawpni khan neih a niin Aizawl Municipal Councillor Rosiamngheta chuan a hmanpui.

PUC Seminar Hall-a hun hmanah Rosiamngheta chuan mi dangte tana malsawmna nih thupuia nei tur leh mi dangte tana lehkha zir turin a fuih a, ram hruaitute khalh ngila mahni tan chauh ni lova ram leh hnam ngaihtuah tlat turin a chah bawk. Dan tel lovin ram leh a hnam a nuam thei lo va, dan zawm kawnga hma la tur leh ram changkang leh nuam smart city siamtu ni thei se a duhzia a sawi bawk a, faina leh plastic tel lo tura inzirtirna hun hmangtute tan ei leh in tuihnai tak a tumsak nghal a ni.

Department of Management faculty Dr Vanlalmalsawma'n inkhawm a kaihruai a, Department of Management head Dr C Vanlalkulhpuia'n lawmthu a sawi a ni.