Aizawl March 16, 2024 : Tukin khan W. Phaileng Bazar-ah Project Management Unit leh PHED tangkawpin an buatsaih Faina hnatlang khuh hawnna neih a ni.

He hun hi Lalfakawma, SDO PHED West Phaileng chuan kaihruaiin faina kawngah khawtlang an tanrual thu sawiin, YMA Section tinah Inrinni apianga hnatlang an neih thin thu leh PHED Department hmalakna chu khawtlang anga an tawiawm that thu a sawi.

Laltharzeli, Ambassador PHED chuan hnatlang hi Kick off-in PHED Department chuan District chhung khawtinte faina kawnga hma kan sawn chu an thupui ber a nih angin hma an la chho mek zel a ni tiin, W. Phaileng chu khawfai leh entawn tlak an nih thu leh khawdang tan pawha entawn tlak ni zel turin a chah a. Khawtlang nu leh pa, tlawmngai pawl hrang hrang te'n naupangte faina kawnga thahnemngaihna chang an hriat nana an kaihhruaina chu lawmawm a tih thu sawiin, Mamit District Aspirational District kan nihna atanga hmasawnna hmel kan hmuh theih nan faina kawngah mitinte'n ke kan pen chu a tul a ni a ti.

Vawiin faina hnatlang khuhhawnna-ah hian tlawmngai pawl hrang hrang hruaitu, khawtlang hruaitu, Sanitation Committee hruaitute an tel a ni.

PHED kaihhruaina hnuaiah District chhung khaw hrang hrangah faina hnatlangpui hi neih chhunzawm a ni ang.