Oscars tia hriat lar, lemchan khawvela chawimawisa sang Academy Award chu March 10, 2024 hian Dolby Theatre, Hollywood, Los Angeles-ah sem a ni dawn ta. Award ceremony hi India ramah chuan March 11, Thawhtanni zinga dar 4:00am atangin en theihin a awm ang. US-ah chuan ABC ten live-in an pe chhuak dawn a, an producer erawh Indian filmmaker Raj Kapoora ni daih thung. 

Academy Award hi Academy of Motion Picture Arts and Sciences (AMPAS) ten an buatsaih a ni a, kumin hi a vawi 96-na tur a ni tawh nghe nghe. Kum 2023 chhunga khawvel hmun hrang hranga film chhuak tha ber berte thlan chhuah a ni a, ngaihhlut a hlawh leh viau dawn ani. 

Comedian Jimmy Kimmel chuan award ceremony hi a vawi 4 nan a host dawn a, 2017 khan a vawi khat nan a lo host tawh - 2018 leh 2023 te khan a lo kaihhruai tawh bawk. 

96th Academy Award atan hian January 23, 2024 khan nomination puan a lo ni tawh a, actor Zazie Beetz leh Jack Quaid ten Samuel Goldwyn Theater, Beverly Hills-ah an puang a ni.

Oppenheimer chu nomination hmu hnember niin, category 13 zetah a lang a ni. Barbie a lngsar viau bawk a, category 8-ah langin, Oppenheimer nen hian category 6 laiah an inel a ngai dawn bawk.