ZALEN September 26, 2026: Directorate of Revenue Intelligence (DRI) chuan foreign kuhva ro Kg 1,25,680 leh foreign poppy chi Kg 41,697 chu an man a, heng an thil man te hi Cheng vaibelchhe 20.31 man a chhut chu Mizoram leh Assam-a chet an laknaah an man a, poppy chi kaihhnawih-ah hian mi pali an man.

September 23-24, 2026-ah khan DRI te hian Champhai Custom, 14th Batallion Assam Rifles leh Champhai Police te tangkawp chuan Mizoram-a hma an lak naah hian Ruantlang, Champhai District-a In pakhat, mihring chenna ni lo inkalh chu an dap a, foreign kuhva ro Kg 1,25,680 a rit, cheng vaibelchhe 14 man a chhut leh leh foreign poppy chi Kg 25,440 a rit cheng vaibelchhe 3.81 man a chhut chu an man a, heng an thil man te hi Myanmar atanga India rawn lut niin Custom Act, 1962 hmanga man a ni.

September 22, 2026 khan foreign poppy chi Mizoram atanga Assam lama lut thla chu DRI leh 38 Battalion Assam Rifles te chuan Lailapur, Silchar-ah truck pahnih an lo ti ding a. Heng mopor atang hian 290 HDPE bag atangin foregn poppy chi Kg 16,257 an man a, a bag atang hian foriegn atanga rawn kal tih chian a ni a, document dik an nei lo bawk a ni. He poppy chi hi crore 2.43 man a chhut a ni a, motor pahnih nen hian Custom Act, 1962 hmangin man a ni a, a phurtu mi pali te chu man an ni bawk.