British singer ropui famta Freddie Mercury piano chu lilam a ni a, $mtd 2.2 zetin an hralh hem mai! Queen lead vocalist hlui hian rimawi khawvel a chen chilh chhungin hming a chher hle a, a hun laia khawvela zaithiam lar ber tih ngam a ni. 

Freddie Mercury hi November 24, 1991 khan kum 45 mi niin Kensington, London, England-ah a boral a, tun thengin a hming a la dai tak tak thei lo. A dam laia a hman thin piano, an hla hit tak 'Bohemian Rhapsody' phuah nan pawh a lo hman tawh thin chu tun hnai khan lilam niin $mtd 2.2 zetin an hralh a ni. 

Lilamna hun hi Sotheby, London-ah neih a ni a, kuta a ziak 'Bohemian Rhapsody' lyrics pawh hralh zingah a tel a, a original working title 'Mongolian Rhapsody' pawh $mtd 1.7 laiin an hralh bawk. Sir Elton John-a'n Freddie Mercury hnena a pek diamond ring pawh lilam zingah hian a tel a,$339,000 velin an hralh a ni.