Aizawl: Project Pushpak te chuan Thuampui, Falkland leh Zemabawk mi te tan Pushpak Primary School-ah ‘Medical cum Blood Donation Camp’ an buatsaih a, Doctor paruk bakah hmeichhe medical officer leh Ha doctor ten a thlawnin damlo an en.

RIPANS te pawhin he hun hi an hmanpui a, mi 500 chuang an en a. Inentir te hi a thlawnin damdawi pek an ni bawk.
Civil Hospital, Aizawl a Blook Bank ten pawhin he hun hi an hmanpui a, anni hian a thlawna thisen pek hlutna zirtirna hun an pek bakah Project Pushpak mi leh sa 25 ten thisen an pe a, an zingah hian hmeichhia pawh an tel. Inentir te leh doctor te tawng let turin ICFAI University lama NSS te an thawkchhuak bawk.