ZALEN November 7, 2024 : IOCL in revised Retail Selling Price a tihchhuah angin, Mizoram chhungah LPG 14.2 KG (Domestic) leh LPG 19 KG (Commercial) rate thar chu November 1, 2024 atanga hman tan a ni a, Rate hmanlai aiin a tlawm hret.

LPG Distributor awmna khaw hrang hrang Domestic LPG rate thar-ah chuan Vairengte-ah Cheng 946 a ni ang a, Mizoram khaw dangah zawng Cheng 955 a ni ang.

Domestic rate tarlan te hi Govt, notification vide No.B. 12013/4/2022- FCS&CA dated 01.11.2022 in a tarlan angin Aizawl Municipal Area leh District Hqrs. ah te ‘home delivery’ kalpui tawh tur a nih avangin Rs.70.00 aia tam lo belh zel tur a ni a, Godown-a hralh erawh chuan Rs.33.43 zel paih thung tur a ni. Home Delivery a kalpui theih lohna veng, point delivery kalpuinaah chuan Rs.7.53 belh zel tur a ni.

Office Order hmanga LPG Distributor tin te chawm tur khua leh an hlat zawng tarlan te, KM zat leh pawisa chawi belh ngai zat tarlante hmangin a chunga rate tarlan atanga chhutchhuakin LPG Distributor ten an huamchhung khuaah theuh LPG hi an sem thin tur a ni.

Instruction tarlan te hi hun laklawha IOCL lamin a rate an rawn ti danglam anih pawhin instruction tarlan ang hian kalpui zel tur a ni ang.