April 3, 2024; Lalzawmi Frankcom hi Paul Frankcom leh Lalrinmawii(L) te fa pahnih zinga a upa zawk niin, nau mipa a nei a. A pa hi Australian niin, a nu hi Saitual khawchhuak a ni.

ZUALKO:

Hming: Lalzawmi Frankcom

Thihni: April 2, 2024

Thihna hmun: Gaza

Thih chhan: Air Strikes

Phumna tur: Australia

Lalzawmi Frankcom hi Paul Frankcom leh Lalrinmawii(L) te fa pahnih zinga a upa zawk niin, nau mipa a nei a. A pa hi Australian niin, a nu hi Saitual khawchhuak a ni a, Upa Darthankima(L) Chanmari, Aizawl ami farnu Pi Puithluaii(L) fanu a ni.

Lalzawmi hi mi bik, mi harhvang, ngainatawm leh hlim thei em em a ni a. Australia a bank lian pawl, Commonwealth bank ah kum 8 a thawh hnu in, tuna a thawhna World Central Kitchen ah hian kum 5 liam ta atang khan a hun tawp thleng hian a thawk a ni.

Sydney, Australia ah seilian in, tunah hian a hna avangin Bangkok ah a in base a, Asia rama an operation hrang hrang ah hotu niin, Senior Manager hna a chelh mek a ni.

World Central Kitchen hi Non-profit/ Non-Government NGO niin, khawvel ram hrang hrang a indo na leh chhiatna thlen na hmun a chhiat tawk te hnen ah chaw a thlawn in an sem thin ani. Zawmi pawh hi chutiang hna thawk tur chuan Gaza ah hian a thawhpui te nen April 1, 2024 khan lut in, a tuk April 2 khan he vanduaina hi a chungah a thleng ta a ni. A ruang hi Australia ah haw pui a ni ang.