DOWNLOAD OUR APP

Read latest news on your phone
app-store
Germany-a chema mi beihnaah pathum thi
Jun 26, 2021

German khawpui pakhat, Würzburg-ah chem chher chawp hmangin mi pathum thah an ni a, mi dang eng emaw zatin hliam an tuar bawk niin thuneituten an sawi.

Social media-a video thehdarhah chuan mi pakhat, chem lian tak kengin khawlaia kalte chu a vaihma hmiah hmiah a ni.

 A titua puh hi Somali mi, kum 24 mi a ni a, man a nih hmain a malpuiah kah a ni.

Police chuan tharum a hmang nasa a, a rilru lamah fel tawk lo a awm bawk niin an sawi a, rilru lam enkawlnaah pek nghal a nih thu an puang.

He thil thlengah hian an ram sanaa Zirtawpni tlai dar 5:00 (India-a zan dar 8:30) vel khan police chuan kohna an dawng a, khawpui lailia Barbarossa Square-a thleng a ni.

Bavarian Interior Minister Joachim Herrmann chuan hliam tuar zingah panga chu an na hle tih a sawi a, an dam chhuak zo dawn em tih sawi lawk a harsa niin thuthar lakhawmtute a kawmnaah a sawi.

A titua puh hi damdawi ina enkawlna pek a ni chungin thu zawh fiah mek a ni.

Officer-te hian a chenna in an zawng mek a, a thiltihah hian finfiahna leh mi a lo biak tawhte an chhui zui mek zel.

A chet dan hmutu pakhat chuan mi a beih pah hian ‘Allah Akbar’ tiin a au niin a sawi tih Herrmann chuan a sawi.

Police thupuangtu chuan tun hmain pawi khawihna dang pawh a lo nei tawh thin a; mahse, hengte hi firfiaka chetna lam rawngkai erawh a nih hlawm loh thu a sawi.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh