ZALEN, 27th May: Vawiin chhun dar 12 khan Maruti Suzuki Swift Generation 4-na chu GIG Showroom, Edentharah Lalengmawia Ralte, (Apuia, Mumbai City FC) chuan a khuhhawng a. GIG in a lo buatsaih tawh thin HSLC Top 10 Scholarship semna hun hman a ni bawk. He scholarship hi GIG neitu leh a hnathawkten thla tin an thawhkhawm thin atanga sem a ni. Mi pakhat tan Rs 12000/- theuh hlan a ni. Lalrawngbawla chuan Swift Generation 4-na chungchang sawiin kum 5 chhung chu Swift generation dang siam a nih loh tur thu a sawi a, tuna khuhhawn tak chu mileage a that avangin petrol a heh lo niin a sawi bawk. MZP hruaitute chuan zirlaite tana inphal sumdawng luangchhuak thin an awm chu fakawm an tih thu an sawi bawk.