ZALEN April 1, 2025 : Nizan khan G.I.G Motors (A unit of 3:16 Plan Solution) chuan Financial Year 2024 - 2025 Closing Programme hun an hmang a, an General Manager-in an sum dinhmun a report atangin kum kalta chhung khan Vaibelchhe 278.93 an thawkchhuak tih a tarlang. He hun hi H.K. Lalhawngliana, Commissioner of State Tax, Taxation Department chuan a hmanpui.

G.I.G Motors General Manager chuan thla tina an sum lakluh hi Vaibelchhia 23.24 a nih thu a sawi a, kum khata an chhiah pek chu Vaibelchhia 54.72 a ni a ti a, thla khata an chhiah pek chu Vaibelchhe 4.56 a ni a ti.

Hnathawk 300 chuang nei G.I.G hian thlakhatah Cheng 69,00,000 an pechhuak thin an ti a, chumi awmzia chu kum khata an hlawh pekchhuah hi Vaibelchhe 8.33 a nih thu a sawi.

Health Insurance-ah an hnathawkte tan Cheng 25,00,000 an dil sak a, thla tin Cheng 2,00,000 dik sang ang an ni.

Tanpuina hi kum kalta chhung khan Cheng 45,00,000 an pechhuak a, thla tin nuai li vel pechhuak ang an ni.

Financial Year 2024 - 2025 Closing Programme hman zan hian Youth Icon 2024-a pahnihna Peter Lalnunpuia hnenah WagonR car hlan a ni a, hei hi G.I.G leh a fans te hmalakna-a pek a ni.