ZALEN November 2, 2024 : GIG chuan Lirthei hlui a thara thleng theihna Maruti Suzuki True Value leh lirthei khalh zirna Maruti Suzuki Driving School an hawng a, Tranport Director Er. R. Lalrammawia chuan he hmun hawnna leh hlanna hun a hmang.

True Value hi lirthei hlui, a lirthei hlutna chhut a nih hnua lirthe thara thleng theihna a ni a, Lirthei hlui te hi khawl hmanga endik vek an nih hnuah a hlutna chhutchhuah a ni ang a, a hlutna an chhutchhuah chu deposit atan hmang zuiin a bak chu loan-in emaw pawisa pek belhin an duh zawng lirthei thar an nei thei dawn a ni. Lirthei hlui hi Maruti Suzuki kher a nih a ngai lo.

Hei mai bakah hian mi in lirthei an thlengna a hlui te hi tlan tlaka (running condition) chei that a ni ang a, a document te an thleng lai hian fel lo mah se, dan ang thlapa tlan thei turin buaipui a nih hnuah a duh tan lei theihin chhawpchhuah a ni thin dawn bawk a ni. GIG CEO John Lalpeka chuan True Value chu exchange program a nih ber thu leh an lirthei hlui hralhchhuah turah pawh Maruti Suzuki and GIG in mawh a la ngam dawn a, certified vek tur a nih thu a sawi.

G.I.G Motors, Maruti Suzuki Driving School, I.T.I World Bank Road ah hian IDTR Trained Instructor hnuaiah motor khalh zir theih a ni a, Course Structure & Fees chi thuma then a ni a, zirna man tlawm ber hi Rs. 7100 niin a to bera zir man hi Rs. 11,500 a ni thung.

Course te hian Theory leh Simulator class a keng tel vek a. Heng bakah hian course thlan a zirin On-Road Practical class hi ni 10 atanga ni 20 thleng a keng tel bawk a ni.

He hmun hawnna leh hlanna neitu Tranport Director Er. R. Lalrammawia chuan kum tin India ramah accident nuai 4 an tling ziah tih a sawi a, heng zingah hian mi 1,50,000 chuangin nunna an chan ziah a ti a, GIG ten Driving School changtlung tak, lirthei zirna atana mamawh nei kim an hawng chu phurawm a tih thu leh Driver quality tha tak tak an chherchhuah ngei a beisei tih a sawi.