Gisele Bundchen chuan a lungdumtu a tawng leh tawh a, infiam mi bawk a ni. A tawih thar hi Jiu-Jitsu instructor Joaquim Valente a ni a, khawthlang media ten an chanchin hi an ngaihven thar hle. 

Joaquim Valente hi Martial Arts Instructor a ni a, super model nen an in date tak avang hian a chanchin ngaihventu an thahnem hle. Mahse Gisele Bundchen nen hian an inkar an thup rih hle a, vantlang hriatah an puangzar tha duh meuh lo. Heti chung hian media ten an chhui nasa a, mipui hriatah puanzar a ni ta tho a ni. 

Gisele Bundchen leh Joaquim Valente te hi November 2022 atang vel khan an inzui tan niin an sawi a, finfiahna tak erawh a awm lo. Nikum June atang khan an in date tan tak tak nia sawi a awm ve bawk. 

Kum 43 mi Gisele Bundchen hi NFL star Tom Brady nen rei tak an innei a, fa pawh pahnih - Benjamin (14) leh Vivian (11) te an nei. Mahse kum 13 an inneih hnuah 2022 khan an inthen a ni.