Google chuan Google Translate-ah tawng chi hrang 24 an dah lut thar a, chung zingah chuan Mizo tawng pawh a tel ve ta - tunah chuan Mizo tawnga i thu ziak kha awlsam takin English-in i translate zung zung thei tawh dawn a ni. Tawng chi hrang 24 a dahluh thar zingah hian India ṭawng chi riat -  Sanskrit, Assamese, Bhojpuri, Dogri, Konkani, Maithili, Mizo leh Meiteilon (Manipuri) te an tel a ni. 

Heti hian Google chuan India ram chhunga hman ṭawng 19 lai chu a dahlut tawh tihna a ni. Tarlan dan chuan Mizo tawng hi India hmarhhaka cheng mi 830000 velin an hmang mek a ni. 

Google Traslate-a ṭawng dahluh thar 24 te chu - Assamese, Aymara, Bambara, Bhojpuri, Dhivehi,  Dogri, Ewe, Guarani, Ilocano, Konkani, Krio, Kurdish (Shoran), Lingala, Luganda, Maithili, Meiteilon,  Mizo, Oromo, Quechua, Sanskrit, Sepedi, Tigrinya, Tsonga, Eswatini leh Twi te an ni.