ZALEN December 6, 2023 : Vawiin khan Mizoram Governor sawmna angin Raj Bhavan-ah Lalduhoma, ZPM Leader chuan Mizoram Governor Dr. Hari Babu Kambhampati chu hmuin, sawrkar siam tura a party a tlin thu official-in a hriattir. Governor Chief Minister thar atan Lalduhoma hi appointment a lo pe nghal a ni.

ZPM Leader thu thlen hi Mizoram Governor chuan lo pawmin Chief Minister thar atan Lalduhoma hi appointment a lo pe nghal a, ZPM Leader hi K. Sapdanga leh Vanlalhlana ten an tawiawm a ni.

Sawrkar lakluh hun atan December ni 8, 2023 (Zirtawpni) ni se, a hmun atan Raj Bhavan Circular Lawn ni se tia sawrkar ruahmanna chu pawmpui a ni tih Mizoram Chief Minister thar atana appointment pek thar Lalduhoma, ZPM Leader ni bawk chuan Mizoram Governor hi hrilh a ni.

Sawrkar lakluh zawh veleh Circular Lawn-ah hian pro-tem speaker thlan nghal a ni ang.

Vawiin khan ZPM Val Upa Council chuan Lalduhoma, ZPM Leader hi an kawm a, Council of Ministers/Speakers..etc chungchang an sawiho. Sawrkar thar lakluh hun (swearing-in ceremony) hi December ni 8, 2023 (Zirtawpni) chawhma Dar 11:00AM ah neih tura ruahman a ni a. He mi ni hian Council of Ministers (12) te lakluh nghal tum a ni.

December ni 12, 2023 (Thawhlehni) ah 9th Mizoram Assembly Session hmasaber chu neih a ni ang.