March 28, 2024; Hnahlan Grape Growing & Processing Cooperative Society Ltd. chuan, ZPM MP candidate in Hnahlan Winery sum nuai 100 eiru anga puhna chungchang an sawifiah. 

Hemi chungchang thuchhuah an siama an tarlan danin, kum 2014 chho atang khan Hnahlan Winerty atanga an wine siam 'Zawlaidi' chu chhan hrang hrang vangin an hralh hlei thei lova, kuthnathawktute hnen atanga an grape rah leina pawisa leh winery dinna atana an sum puk pawh an rul chhunzawm thei ta lo a ni.

"Hetiang dinhmun harsa taka kan din lai hian Richard Vanlalhmangaiha hian theihtawpin min tanpui a, central sawrkar atanga tanpuina pawisa eng emaw zat min haichhuahsak a, he thilah hian langtlang taka engkim tih a ni a, eirukna engmah a awm lo, a chungah kan lawm em em zawk a ni," an ti bawk.

Thuchhuah an siamah hian an chairman C. Vanlalhriata leh an secretary Zirliantluanga ten hming an sign.