Aizawl: Governor P.S. Sreedharan Pillai chuan nimin khan kumin Republic Day a Padmashree Award dawngtu Lalbiakthanga Pachuau, (92) Prominent Journalist chu Raj Bhavan-a lengah sawmin thingpui ruai nen a hlawhtlinna a lo lawmpui a. Lawmpuina thuziak bakah tangkafai a pe tel bawk a ni.
Governor chuan, “India ram mipui vaibelchhe 134 zingah Mizoram mi pahnih India rama vantlang inchawimawina sang dawng thei an awm chu thil ropui tak a ni a, a chhuanawm em em a ni,” a ti a. Labiakthanga Pachuau, chuan a suangtuah ngai miah loh chawimawina a dawn avang leh a beisei ngai loh Governor lawmpuina a dawng chu lawmthu a sawi bawk.