December 16, 2023; Vawiin tlai dar 2:30 vel khan South Vanlaiphai leh Sangau inkar, Sangau khaw thlen dawn hnaih-ah Gypsy a chesual a, lirthei-ah hian mi 2 chuangin, lirthei neitu leh khalhtu Lalbiaka, Lawngtlai Bethel Veng chu a hmunah a boral nghal nia thu dawn a ni.

Motor chetsualna hmun hi Sangau-IV-a bawlhhlawh paihna chhak deuh a ni a, feet 100 bawr vel a lum niin an sawi a, accident avanga boral ta Lalbiaka LADC driver niin, he chanchin buatsaih lai hian ruang hi an la chhuak tawh a, a naute in Sangau-II-ah lak niin an khua Lawngtlai lam panpui tura buaipui mek a ni. A chuanpui Ngunhu, Lawngtlai Bethel Veng hi chuan hliam na lutuk a tuar lo niin thu dawn a ni.

Thlalak - Sangau khua (File picture)