Harley Davidson X440 chuan India mipui mit a la hle a, booking pawh 25,597 a awm der tawh. Book theih hun hmasa hi July khan hawn a ni a, mi heti zat hian an book nghal a ni. 

Hero MotoCorp chuan September 1 atangin test ride an kalpui dawn tih an sawi a, October atangin booking titute hnenah an pe chhuak dawn tih an tarlang. Harley-Davidson hi American company niin Hero MotoCorp thawhpuiin Harley-Davidson X440 siam hna hi Neemrana, Rajasthan-ah kalpui mup mup a ni. 

Harley-Davidson X440-ah hian Denim, Vivid leh S trim a awm dawn a, a man hi Rs. 2,39,500, Rs. 2,59,500 leh Rs. 2,79,500 te a ni ang - S hi an book nasat ber chu a ni. Single-cylinder engine hi 440cc a ni a, a nalh bakah khalh nuam tur taka duan a ni. Dual-channel ABS niin, Bluetooth connectivity a awm thlap bawk. 

Harley-Davidson X440 hi Royal Enfield Classic 350 leh Meteor 350 te nen Indian market-ah inel tawk viau tura ngaih a ni.