ZALEN September 22, 2026 : Vawiin khan Zakaria Lalhriattluanga thihna chungchangah New Builum khaw mipuite chu Kolasib District Jail, Saidan-ah an pungkhawm.

New Builum atanga ZALEN thudawn danin, pungkhawmte hian Zakaria Lalhriattluanga thihna chungchanga police ten an mi mante hmel hmuh an duh thu a au rualin, police-te hian mipui hmuh theih turin an mi mante hi mipui hmaah an inlan tir a.

Police-te hian mipuite ngenna angin tualthihna chungchanga an mi mante hming pungkhawmte hriat turin an puang bawk.

Pungkhawmte hian police-in tual thattute kim taka man an duh thu te, Home Minister-in tun thlenga thawm a la nei lo chu mak an tih thu te, tualthattute dan anga khai hlum ni rawh se tiin an au rual bawk a ni.