May 9, 2023-a Haryana Council of ministers thukhawm chuan alcohol pai tam lo wine leh beer te chu office-ah inphal a nih thu a puang ta rup mai - Mizo society rilrem zawng chu a nih ve hmel loh khawp mai.   

Haryana sawrkar hian tun hnai khan thupek hi a tichhuak a, zu leh beer-ah dan khauh tak lek kawh a tum lo. Office lian tak tak, hnathawktu pawh mi 5000 chin awmnaah chuan ualau taka beer leh wine te in a phal a ni. 

Haryana chauh hi zu leh beer khapna thlah dul an ni lo a, Punjab leh Uttarakhand te pawhin an thlah dul a, Odisha leh Rajasthan-ah a zalen viau bawk. Uttarakhand chuan India siam beer te chu departmental store leh mall-ahte zawrh a phal a, Punjab pawhin a phalrai hle. 

Haryana sawrkar chuan zu leh beer khapna an thlah dul leh zualna chhan pakhat chu zu quality chhia tihrem a nih theih nan leh alcohol pai tlem 3.5 - 8% chu hemi atana hmanraw pawimawh tak a nih avanga hetianga ruahmanna siam ta hi an nih thu an sawi. International Spirits and Wines Association of India chuan Haryana sawrkar hmalakna hi an thlawp thu an sawi. 

India hi khawvela whiskey leh zu kaihhawiha sum seng ral hnem berte zinga mi a ni a, kum 2023 chhungin $tld 49.58 zel a hmang ral tura ngaih a ni - kum tinin 6.53% velin a pung ziah anga chhut a ni bawk.