Cuba-a five-star hotel changkang bera Inrinnia na taka thil puakah mi 22 an thi a, mi 60 chuang damdawi inah dah an ni.

Old Havana-a Saratoga Hotel tuala gas tanker ding chu meiin man kaiin a puak ta nia hriat a ni a, khualbik chhawng eng emaw zat a tichhia a ni.

Khualbuk hlun tak hi hripui a len avanga khar reng a nih hnuah ni li liam ta khan hawn tan a ni leh chauh a ni.

Tunah erawh a chhe ta vek a, a bang pawn lam chu a hlip vek a ni.

Chhanchhuah leh chin hriat lohte zawn hna thawh mek a ni a, a chim kar velah mi eng emaw zat an tan rin a ni.

Cuban president chuan thi zingah hian nu nau pai lai pawh a tel niin a sawi a, a fa dang a thi bawk niin a sawi.

Hliam tuarte hi a bul hnai damdawi inah dah luh an ni.

Khualbuka block pakhata cheng, Yazira de la Caridad chuan thil puak chu lirnghing emaw a tih thu CBS News a hrilh.

A hmutute chuan meikhu dum chhah tak pawh van lamah sang taka a invawrh chhoh thu an sawi bawk.

Khualbuk hnung chiaha sikul awm erawh a khawih pawi lo va, tual chhung thuneitute chuan naupangte chu hmun himah an saseng thei niin an sawi.

Cuban President Miguel Diaz-Canel chuan a hmun hi a tlawh a, “Bomb emaw, miin an beihna emaw a ni lo va, vanduaithlak taka chhiatna thleng palh a ni,” a ti.

Tun tum an chhiat tawh hi kum hnih chhung zet Covid-19 hripui avanga an beh hnuah an tho chhuak leh tan mek a ni.

Saratoga Hotel hi an khawpui bera colonial district hung chhunga awm niin hun eng emaw chen hri avang leh thawm vangin khar a ni.

Kum zabi 19-na hun laia sak tawh building hi Havana chhinchhiahna pakhat a ni.