February 22, 2024; Health Minister Lalrinpuiin tun dinhmun ah Health Care Bill ba Rs. Vbc. 45.59 a awm tih sawiin, tun financial year hma in pek chhuah vek tum a ni.

Vawiin Assembly Budget Session ah hemi chungchang hi member te zawhna chhang a sawiin, health minister chuan, SEDP sum Vbc 150 atanga Health Care Bill tur vbc 40 dah hran chu semchhuah a la ni lo tih a sawi a, health care bill ba pek chhuah turin sawrkarna an chan hlim ah CM leh finance minister ni bawk Lalduhoma'n Rs. Vbc. 15 a pe chhuak tih a sawi.

Health minister chuan health care bill ba Rs. Vbc. 45.59 atangin SEDP sum atanga health care a dah Vbc. 40 pek a nih chuan bill ba Rs. Vbc. 5 vel a awm dawn tih a sawi a, chungte chu tun financial year hma in pek a ni dawn tih a sawi.