Health care lian ber-ah inziahluh theih mek; AB-PMJAY Gold Card CSC tinah siamtir theih
Aizawl: Khawvela sawrkarin a mipui e hriselna ngaihtuahna avanga sum a sem hnem berna, ‘world’s largest government funded healthcare program’ tih hiala an chhal, mi vaibelchhe 50 chuangin a zar an zo theih tura ruahman Ayushman Bharat –Pradhan Mantri Jan Aarogya Yojana (AB-PMJAY) a inziah luhna chu Mizoramah pawh kalpui mek a ni a, district leh khaw tina damdawi inah tunah hian inziah luhtir theih reng a nih mai bakah, khaw tin leh veng tina Common Service Centre (CSC)-ah te tunah hian Gold Card siamtir theih reng a ni.
He sawrkar hmalakna, Ayushman Bharat hian a tum ber chu, hriselna kawnga mi tinin hma an sawn theihna tur te, invenna lam pawimawhna hrilhhriatna leh, tihdam lam te, damloten enkawlna rang zawk an hmuh theihna tur leh mahni inenkawl thei lote enkawl thlengin a huam a, sum harsatna avanga inenkawl thei loten sorkar leh mi mal damdawi in atanga a rang lama chhawmdawlna an hmuh theihna tura duan a ni.
Mizoram Health Care hnuaiah scheme thar, AB-PMJAY hi kalpui mek a ni, he scheme hi damdawi ina phai lam thlenga a thlawna damlo inenkawlna bik a ni. Tun hma lama sawrkar laipuiin hetiang lam hawi zawnga scheme a kalpui zawng zawng, RSBY ang chi leh BPL leh AAY chhungkuaten a hrana hamthatna an neih ang chi kha hetah hian khungkhawm vek a ni tawh. He scheme hmang tur hian Golden Record card (Golden Card) chu neih ngei a ngai a, tunah hian Civil Hospital Aizawl bakah ram chhung hospital hrang hrangah siamtir theih a ni a, Civil hospital bik hian Electric Veng, Aizawl; Sakawrpuilui bulah siamtir theih a ni. Heng bakah hian sawi tawh angin India sawrkar-in phalna a pek, mipui te awlsam na tura din Common Service Centre (CSC) lamah te pawh siamtir thei tura duan a ni a, mahse, tunah hian heng CSC te hian hei hi an kalpui vek rih lo.
Golden Card nei tur hian Health Care Enrollment receipt neih a ngai a, card hi Voders ID/ Aadhar Card/ Pan card leh Driving license hmanga siam theih niin, passport size thlalak pakhat leh chhungkaw ration card ken tel a ngai a, heng te hi thehluh erawh a ngai lo thung a, heng documents te hi a thla lak tur a nih avangin original ken a tul thung a ni. Mizoram Health Care Society-a Chief Executive Officer Dr. Biakthansangi chuan, "Mizoram chhunga hospital te chu Ayushman Bharat- Pradhan Mantri Jan ArogyaYojana (PMJAY) hnuaiah hian ziahluh theih chin te chu ziaklut vek turin hriattir an ni tawh a, a tul anih chuan inziaklut lo te pawh an In lama pan chilh mai tura hriattir an ni a, an pan hi chuan card siam man hi la mai tur pawhin kan hrilh vek," a ti. Chutihrualin Damdawiina thawk te hi an indaih loh thin em avangin CSC pan mai pawh a that zawk theih thu a sawi a, hei hi thil hmanhmawh thlak anih avangin mipui te muangchang lo turin a chah. He scheme hnuaiah hian natna hrang hrang enkawl theih deuh vek a nih thu a sawi bawk.
He programme ang hi chuan Health and Wellness Centers (HWCs) pawh 1,50,000 siambelh tum a ni a, mi tin ten awlsam taka enkawlna an neih theihna tur ruahman a ni. Heng centre te hian Comprehensive Primary Health Care (CPHC) eng emaw zat an la enkawl zui dawn a, anni bik hian nu nau paite leh naupang hriselna lam bakah natna inkaichhawn theih loh chi ang te an buaipui ang a, a tul angin damdawi pawh a thlawnin an dawng ang a, khawl hmangin an hriselna pawh vil an ni dawn a ni. India rama Health and Wellness Centre hmasaber chu April 14, 2018 khan Prime Minister chuan Jangla, Bijapur, Chhatisgarh-ah a hawng a ni.
Pradhan Mantri Jan ArogyaYojana (PMJAY) hian mi rethei leh harsatna bik nei chhungkua te chu a ngaihpawimawh te an ni a, a hranpa bika enkawl chu a tum pakhat a ni bawk. Health and Wellness Centres te hian PMJAY kalphung hi a tam thei ang ber puanzarna an nei ang a, natna benvawn zirchian leh damdawi ina enkawl te zir chian zui chu an tih tur a ni bawk.
PMJAY hi a bul tan chhoh mek niin States 30 leh Union Territory te nen pawh Memorundum of Understanding (MOU) pawh ziahfel a ni tawh a, pilot project hi state / UT 22 (Arunachal Pradesh, Chandigarh, Chhattisgarh, Dadar Nagar & Haveli, Daman & Diu, Haryana, Himachal Pradesh, Madhya Pradesh, Manipur, Meghalaya, Mizoram, Nagaland, Uttarakhand, West Bengal, Uttar Pradesh, Jammu & Kashmir, Goa, Maharashtra ) ah te neih tan tawh niin, Beneficiary Identification System (BIS) leh Transaction Management System (TMS) -ah te chhin a ni a, hospital 1280-ah pilot launch hi neih tawh a ni.
AB-PMJAY
Ayushman Bharat- Pradhan Mantri Jan ArogyaYojana (PMJAY) hian chhungkaw tin tan kum khatah cheng nuai 5 thleng a tum sak thei dawn
Chhungkaw maktaduai 10.74 chuang (mihring maktaduai 50 vel anga chawhrual a ni)-ten he chanvo hi chang thei tura ngaih a ni
PMJAY hmang hian pawisa fai (cashless) a tul dawn lo a, a hranpaa-a ziak pawh a hmanna hmunah hian a ngai lo ang
PMJAY hian inekawlna atana kan chhungkaw sum kawlsa kan hman thin tam tak a chhawk dawn a, natna khirh bika kan harsatna tam tak a su kiang thei ang
He programme hmang thei chin te chuan hriselna lamah sum lama harsatna tam tak thin an tawh lak ata a chhan dawn a ni.
PMJAY hi a nih tur ang taka hman tluantlin a nih hunah chuan sorkar sum hmangin hriselna lama sum hman hnem berna tur (world’s largest fully government-financed health protection scheme) a ni dawn. Universal Health Coverage (UHC) te hmachhawp tihpuitlinna tura thui tak thlir chunga ruahmanna a ni
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024