March 6, 2024; Finance minister Lalduhoma'n vawiin (5.3.24) ah health care sum Rs. Vbc. 50 an released tih sawiin, lo ngaihven turin mipui a ngen.

Vawiin assembly session-ah he thu hi sawiin, chief minister ni bawk Lalduhoma chuan, health care bill atan tun financial year kal mekah sawrkar hmasa in Rs. vbc. 60 an lo dah atangin vbc. 35 an lo pe chhuak hman tih a sawi, "Kan sawrkar veleh reilote chhungin vbc. 15 kan sem chhuahtir leh a, tunah hian vbc. 10 a la bang. Chu vbc. 10 leh vbc. 40 kan pek belh nen Rs. vbc. 50 chu vawiin ah kan released vek a, karleh lamah chuan damlo te ipte a thlen theih tawh kan ring a, mipuiin lo ngaihven se a tha ang e a ti," a ti. 

Lalduhoma chuan health care scheme hman lai chu an titawp dawn tih sawi bawkin, "A aia tha zawkin kan thlak dawn a, tunah hian buatsaih mek a ni, kan health care scheme thar hnuaiah chuan cashless vekin kan ti dawn a, pawisa ken/pek a ngai tawh dawn lo," a ti bawk.