Health Minister-in MIMER leh MCON a tlawh
Aizawl: Health Minister Dr. R.Lalthangliana chuan Zirtawp tlai khan Falkawn a Mizoram Institution of Medical Education & Research (MIMER) leh Mizoram College of Nursing (MCON) a tlawh.
MIMER chungchangah Health Minister chuan, “Society anga kalpui hi a tha ber em tih uluk taka ngaihtuah a ngai a, hemi ngaihtuahtu tur Committee pawh din tum a ni,” a ti a. MIMER chu Mizoram hmel tithatu ni turin theihtawp chhuah a tum thu sawiin hmanraw mamawhte pawh a tha thei ang bera thuam a nih bakah a enkawltu tur pawh khawl chinchang hria, mi thiam rawih zel a tul thu a sawi a, MIMER-a thawk Mizoram pawn atanga lo kalte pawh thlamuang tak leh lungsi taka thawk tura chahin an mamawhte ngaihtuahsak an nih tur thu a sawi a ni.
Health Minister hian Mizoram College of Nursing (MCON) a tlawh bawk a, nurse zirlai leh zirtirtute hmaah thu sawiin, “Zirna in (institution) neih hi a that rualin mihring quality tha kan chherchhuah loh chuan awmzia a awm lo va, chutih karah MCON chu la naupang tê mah nise a chhuanawmzia an zirlai chhuak tateah a hriat a ni,” a ti.
MCON-ah hian kum 4 course BSc Nursing zirna kalpui a ni a, academic year khatah seat 30 zel awmin tunah hian zirlai 120 an awm a, a din tirh atanga tun thlengin Nurse 258-in an zir chhuak tawh a ni.
&&&&&&
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024