Health Minister-in September-ah Health Care Bill ba sem zawh hman beisei
![](/storage/news/post/rTjwQyaS2bsoVdMt02NNyZJsNuCFLscjbr5eyuTx.jpg)
Aizawl May 1, 2023 : Health Minister Dr. R. Lalthangliana chuan vawiin khan Mizoram Journalist Association (MJA) Yearly Health Check-Up hawnna hun Civil Hospital, Aizawl-a Doctor Seminar Room-a neih chu a hmanpui a, September thla-ah chuan Health Care Bill ba te chu an sem zawh duak hman a beisei thu a sawi.
Dr. R. Lalthangliana chuan Health Car Bill ba cheng Vaibelchhe 70 chuang a awm thu sawiin, SEDP atangin Vaibelchhe 50 Bill ba rulhna tur hian dah a ni tawh a ti a, Finance lam atangin cheng Vaibelchhe 10 vel hmuh tur an neih thu leh Sawrkar laipuiin a pawmpui vek tawh Asian Development Bank atanga pung tlem ber chi-a an puk tur cheng Vaibelchhe 1000 nen September-ah hi chuan Health Care bill ba an pek tlak theih a rinthu a sawi a, ADB-a an sum puk hmang hian Corpus fund tam zawk an neih theih tawh a rinthu a sawi bawk.
Health Minister chuan Civil Hospital Aizawl chu pantu a ngaih avangin ngaihpawimawh a ngai thu leh Building te pawh thawm that ngai a tih a sawi. Trauma center sak mek chu tangkai taka hman a nih tur thu a sawi a, department tinin hmun thawl zawk an neihna turin ruahmanna pawh hian a nih thu a sawi. Super Speciality Cancer Hospital sak mek chu 2028-ah buaina dang a awm lo anih chuan zawh hman an inrin thu a sawi bawk.
Dr R. Lalthangliana chuan Health Department hnuaia hmalakna leh hmachhawp hrang hrangte tarlangin ZMC-a khum ( General bed) 145 vel awm thin chu khum 432-a awm tawh thu leh khum 500-a hlankai thuai a beiseiawm thu a tarlang a. ICU khum 13 awmna chu khum 50 chuang awmna a hlankai a nih thu te, mi 60 awm theihna tur Intern Hostel chu peihfel thuai a nih tur thu te, cheng vaibelchhe 10 ve ve senna turin ZMC Boys & Girls Hostel sak mek anih thu te, Cabin 52 hawn mai theih anih tawh thu te, Cardiology Department tihchangtlun nan Indian Council of Medical Research-in cheng vaibelchhe 1.02 an rawn pek thu te, LV Prasad Eye Care Institute bakah National Institute for Locomotor Disabilites-te nen thawhhona tha zawk neih tum a nih thu te a tarlang bawk a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024