India rama motorcycle hralh chhuak hnem ber zinga mi Hero chuan a vawi khat nan electric scooter an rawn chawpchhuak ve ta a, Hero Vida tih a ni. Hero Vida hi October 7, Zirtawpni khan tlangzarh a ni a, Rs. 1,45,000 man vel ni tura chhut a ni - India rama electric scooter dangte aiin a man a to fal dawn hle tihna a ni. 

Hero electric scooter Hero Vida hi vawi khat charge full-in a lo berah km 143 tlan thei tura ngaih a ni a, Ather nen an tlan thui theih zawng a inang. Company chairman Pawan Munjal chuan an beisei aia hmaah an zuar chhuak thei dawn tih sawiin, October 10 atangin booking a tih theih dawn tih a sawi.

India sawrkar chuan motorcyclesiam chhuaktu company te chu electric scooter siam chhuah kawngah hian hma la sauh sauh turin a ngen a, kum 2030-ah chuan India rama motorcycle hralh chhuah 80% chu electrict hmang veka thlak hman a tum a ni. 

Electric motorcycle siam chhuak tur hian Hero company pawh hian chak takin hma an la a, hemi atan hian cheng vaibelchhe 500 (Rs. 500 crore) vel zet an theh chhuak nghe nghe. California lama hmunpui nen Zero Motorcycles nen tang dunin an company kutchhuak electric scooter hmasa ber hi an rawn chhawpchhuak ta a ni.  

October 10 atangin booking hawn a ni ang a, December atangin an pechhuak thung ang.