April 23, 2024; Mizoram Police-in Champhaiah heroin ni ngeia hriat gram 788 leh a neitu nia hriat nupa an man.

Mizoram Police thuchhuahin a tarlan danin, nimin Thawhtanni chawhnu khan Champhai Zotlanga lirthei an endiknaah lirthei pakhat MZ04A 9119 Benjamin Lalvumsanga Champhai Kanan veng ami khalh chu dan phal loh thil phur ngei nia ringin an tiding a, Benjamin Lalvumsanga (22) Sangzakapa fapa, Kanan Veng, Champhai leh a nupui lirtheia chuang ve Zion Lalramchullovi (34) Lalzawngliana (L) fanu, Kanan Veng, Champhai te an chuang a, sahbawn bawm 65, lirtheia an dah chu an hmuchhuak a, a chhungah powder buang lam, heroin ni ngeia rin, a vaiin grams 788, Rs 23,64,000/- hu a lo awm.

Lirthei leh damdawi hi hriatpuitute awm laiin man a ni a, a kawltute pawh hi man an ni a, Champhai Police Station-ah thubuai ziahluh a ni.