Kumin kum tir tea tang khan nitin in a la luah renga. Debate hi Social Issue anih avangin a tul lo tih ngawt chi ani lo.. A chhan chu Mihring duhzawng in khap sak kan tum mai vang ani.. Chu inkhap sak na chu khawi atnga a lo awm nge in en chiang dawn the ang ZU /Wine : Tun dinhmun Mizo khawtlang nun ah hian Zu hi sual ang hial a hriatna a lo awm ta. Heng hi a chhan bul chu British Expedition khan ram dang a an lo chin thin angin, Military zinga thlarau lam malsawmtute dah thin Chaplain an rawn chhuah pui vang ani. A hun lai khan J Shakespear te khan chuan “Chaplain’ ti lovin ’ Padres’ tiin an lam thin mah awm e. Chung chu keinin Tirhkoh.(Missionery )ka ti thin ani. Tirhkoh ( Missionery) lo lut ten min zirtir vang a ni. Mitam takin kan hria; mahse, he ngaihdan hi kan ban thei lo, .Zu kan khawih chuan thil tisual rilru (quilty feeling) kan nei tlat zel a ni . Khawvel hnam chitin reng , Hnam fing leh Hnam mawl pawh in an mahni siam Zu tui tak an nei vek; an Kut ni vangthla leh chhiat ni thatniah an lek lam fo. An hmang sual ngai lo. Chutiang chiah chuan Mizote pawn zirtirna hran an dawn hma chuan an hmang sual ngai lo. Naupangin Zu an in ngai lo, Kutni ah erawh zalen na thui tak an nei ve. Hnam mawl zingah pawh Naupangin Zu an in ngai chuang lo. Kutni chuan mi tinin an duh chuan an in vek thiang; pitar leh putarte phei chu an ruih sual deuh chuan khawlaiah an kal ngil theih lohin , thalai hnenah ngaihdam an dil thina, “Vala te u mi awmthei zar ka zova min lo hre thiam teh u “ an ti lawm lawm thin a ni. Zu ruiha chapo tlat hi hnam mawl zingah a awm chuang ngai lo. Hnamdang Nunze pawlh loh zia ah chuan ai leh ai lo; thiang leh thiang lo, puithuna kha an lana (ngaipawimawh) em em a . Hengah hian khawtlang dan bak a chetna hleihluk hi, thiang lo ah an ngai thina. Nun tluang theilo ah an ngai thin. Chutiang bawk chuan,Mizoten zu suala kan hman ngailoh leh dan phung pangngaia in mai thin ni a; kan lo ngaih thin; Missionery te an thu zirtirna a chak theih nana Mizote hnen atanga sahthlaka, ‘Sual a ni’ tia an zirtir khan, kan lo hman dan nen a inmil miah lo leh thil sual tia min rawn zirtir khan nundan suakbak Mizote hnenah a thlen ve bawk a ni. Tun thleng hian hmasang Mizo chindan “Nopui” mi huaisen chawimawina, an dawn thin kha Wimbledon - leh Motor Car Racing chak te chuan Champegne zu an in hmeh chik khum zuai zuai kan hmu thin ani. NE Parry ICS ,( Mizoram Luhai Superentendent 1924) khan Mizoram leh Tlangmi te Chanchintha min hrilhna kawng a an thil tih tha lo a ziak chiama. Missionary Training na tha nei lo ten , an thil zirtir atangin thil tha lo , hnam nun an tih chi ai (anthropological approach) hre lo zirtirna that loh zia a hre tawh a. An nin Zu in reng sia, Mizo Christian te zu in phalloh kha a , A pharisai lutuk ti a , a sawi chu I han enchiang dawn teh ang, a awmzia ka leh chhuah phak loh tak in; an tawngkam ngai ngai in kan dah zawk ang e… “Again Lakher and Lushai Christians are not allowed to drink wine, beer, or spirit, and no one can become a Christian whoever touchs alcohol. In the author’s opinion this is going much too far. It would therefore be better to encourage temperance than to insist on prohibition. Among more civilized people prohibition has led to deceit ; its result are the same among these primitive hillmen”…. But if Christianity spreads and prohibition is insisted on , the same ill effects will occur. There is bound to arise a body of ex-christian who have been turned out of the church for drinking beer but who , having lost their own beliefs, are subject to no moral sanctions whatever. Lakher te Lushai te reng reng Zu, Beer, Siprit in phal an ni lo; Zu in reng reng leh Zu lam khawih tawh phawt chu Christian an ni thei lo reng reng. A ziaktu rilru ah tak phei chuan, hei mai a la ni lo, Khapsak a in lohtir ai chuan in dan tawk zirtira nghei thleng pawha zirtir chu a tha fe zawk ang. Hnam fing zingah pawh inkhapsak reng reng hian an nun ah hrisel lohna (lemdernun leh hlemhletna) a lo thlen tawh thin a. Heng ang chiah bawk hian heng tlang mite chungah hian thil hrisel lo a thlen ang. Chutiang zelin Kristian an lo pung ang a, kan khapsak luih chuan khatiang bawk thil chhia kha an nunah a rawn thleng dawn a ni. Chu khuahkhirhna chuan Kristian atanga talchhuahna leh Beer induh avanga pawl chhuahsan duh hialna, ngaihsak reng reng lohna tur a thlen thei hial ang.’ tihna ang a ni. N E. Parry thu sawi khi han thir let hian hnam fing zingah pawh Prohition chuan lemder nun leh hlemhletna a hring a tih ang khian .. thil tih ruk leh Dan bawhchhe rilru a lo tam lo thei lova, Kan nghet lova, kan phuzuka, kan phakar in kan rinawm lo zo ta em ni’ a tih theih awm e. Tichuan Missionery ten an zirtirna Zu Zawlbuk Tlawmngaihna; an zirtir na Pharisai tak mai atanga an tih dang lam leh an zirtirna chuan an nunah suakbakna nasa tak a thlen tur leh a thlen mek a hmuh chuan tiang hian a sawi leh a.. “they see many Christians who use alcohol, and naturally ask why their particular brand of Christianity prohibits all alcoholic drinks. As they become more enlightened they will enquire deeper and trouble will ensue. With a primitive people absolute truth is essential; once you deceive them even with good motives, you forfeit their trust. For this reason, to make abstinence from drink an essential tenet of Christianity is entirely wrong, and is bound to lead to trouble.” Mizoten Christian ( Sap) zu in tamtak an hmu a; engvanga anmahni Mizo Kristianho chu Zu in khap sak bik nge an nih tih hi …. an lo fing deuh ang a, thuk deuha ngaihtuahna an rawn neih hunah an chunga buaina rawn thlentu tur a ni. Hnam mawl zawkte chungah thu dik tak sawi hi thil pawimawh a nia, Vawikhat thudik chhuanlam a, I bum tawh chuan, an rinawmna I tih chhiat sak der ani. Hei vang hian Christiana siam duh mai avanga, Zu suala zirtir chu, a dik lo lian hle ani, Chuchuan buaina ah a hruailut nghal dawn ani” ( NE .Parry) Mc Call, A G. (Lushai Superentendent 1934) ve thung chuan Missionery zirtir na avang a Mizo ten an ze mawi tak an hlauh tur leh Zu in loh ringawt in a, vanram thlen tir an tum kha a duh lo va, tiang hian a sawi ve thung.. “ ….success was also facilitated by the fact that Christianity was, from the economic or material point of view, not a costly religion, nor has very much been demanded of the convert, except regular church attendance and the giving up of Zu, if he or she happened to be a Zu drinker. “( Lushai Crysallis p. 207) “Hlawhtlinnate Kristianna thil tha taka a innghah laiin leh sum leh paiin a lei theih loh leh phut avanga Kristian tur a nih loh laiin inkhawm tam leh zu in loh chu Kristian nihna ropui tak , zu lo in thang thin ni mah se tih chu an zirtirna a ni tiin. Heng zu in lo tur a zirtirna hi mi rethei zu in tur nei lote tan tlanchhiatna remchang a lo ni ve bawk a, Zu in loh ringawt chu Christian tha tak ah a hun lai Mizo te chuan an ngai ta a ni… “The main mission impact fell upon the ordinary people. Many were too poor to take Zu regularly, as a diet, like the Nagas of the Naga Hills do. Their sucrifies chiefly meant not drinking Zu at sacrifices and feasts, which, in turn, became increasingly rare, as conversion and attendance at church dispensed with this costly need. ( Lushai Crysallis‘ p.208) Missionary te thuhril hi mimir chi tin chungah a tla a, mi thenkhat (Mizo) te chu zu zantina in tur chuan an rethei si a, Nagaland lama Missionery ten an lo zirtir ang bawkin Kutni vangthla leh serh leh sangah zu tel lova an tihtir tak chu a khingbaiin a lo tlem tial tial a , a lo hautak bawk nen hautak lo zawk Kohhran lam chuan a lo luah lan tial tial a ni” Tichuan Mc Call pawh hian Missionery te thil tih dik loh tam tak a sawi hnu in ‘Hlimruihna te hi Mizo atang a chhuak ani lo in Wales ho hnen atang a an lak ani thei‘ a ti.. Pu Tarmita J.Shakespear Mizoram Lushai Superintendent hmasa ber khan, a chawlh (pension) hnua, England a a awm lai in Mizoram a Lushai superintendent LL Peters kha lehkha a rawn thawn a, Military zinga Chaplain (missionary) ten Mizo te Zuin lo tura an zirtir kha, mak a tih zia leh England lam ah , an mahni pawn’ an in tho thin sizia, a pharisai tiin, he lehkha thawn ah hian a sawi leh a… ………..the most wonderful thing to me is that the Padres have got the Lushai to give up Zu. That seems to me really a miracle. Of course, I don’t approve. The lushais in my day were not drunkards…… Tin, Lal leh Lalkhawnbawl ten Rorel pahin Zu an in thin a, Lal ho khan Zu -in kalsana Christiana inpek zung zung chu an ti thei mai lo a. Heng hi Missionery te tan chuan thil hnawk tak leh an zirtirna ti tlangtla lo tu ani a, Chu an mutan chu thiah a ngai ani, an thiah loh chuan an zirtirna a kalchak thei lo. Lal ho kha kristian an ni mai thei lova. Zu intur nei ve thei lo mirethei ho khan Christian chu an han hnar phawt a. Missionery ten an lo lawm ngei bawk a; chuchu an raltlanna leh an inhumhimna kulhpui ber a lo ni chho a; Lal leh mimir in karah innghirngho na a lo lian ta viaua. Mimir an pawr a, Fathang / Sachhiah , an tawng a. Lal leh Bawrhsap an inthurual a, Missionery te leh Mimir an inthurual thung a… he Insakhi thingchung lawn hi kal zelin kum 1946 vel Mizo Union lo pian thleng pawh khan Mipui chuan Bawrhsap leh Lal ep zawng zel in Mizo Union leh Mipui chu an vung chho ta ani. Tichuan Lal leh Bawrhsap chuan zu an in thin a. An kal lohna lam zel chu mipui tuina ani ringawt mai ani. An fel em em vang a Kristian a inpe pawh an ni chuang lo niin a lang.” Roreltute chu Pathian ruat ani” tih Bible lam te chu an hre chuang lo reng reng a ni. Tichuan ram thenkhatah erawh meizial chu sualah an lo zirtir ve bawk si. Chutiang zel chuan an va kalna hnamten an chin than thil kha an sawi bawrhbansak mai mai thin a ni. Tichuan, Pastorte’n ‘Sual’ tia zirtir a inang ta lova. Philipine ah pastor convention a lo awma, Pastor thenkhatin zu an lo in a, Pastor thenkhatin sualah an lo ngai a, Mizoram atanga kalte ve lemin, mei an lo zu ve luai luai a, South Indian lam ve thung chuan an lo zahpui ve thunga, ram vawt atang lokal ten an tih dan thin zu an lo in chu thenkhatten ‘mak’ an lo ti ve thung a, kan Bible-ah pawh ringtute hi zu ruia awm lo turin a ti mai zawk niin a lang. Chuvangin kan missionary ten Mizoram an beih lai khan Mizoten an tih dan thin a enga pawh mai kha bantir an han tum zung zung ringawt mai kha a dik lohzia chu, ‘Thlarau’ tihte, ‘Spirit’ tihte, ‘Soul’ tihte hi tun thleng hian ngaihdan chiangkuang kan nei thei lo. Thlarau tan Vanram kan beisei a, kan thlarau leh taksa kan sawi hrang a, Ring tih mai lohah, a bak kan hre thei rih lo a ni. - C.Vanlal Ruaia