Himachal Pradesh assembly inthlan chu Inrinni khan neih a ni a, mipuiin zing dar 8:00 atanga vote thlakin tlai dar 5:00 thleng hun hawn a ni.

Assembly inthlan hi mi 412-in chuhin bial 68-a MLA tur an ni a, hmeichhia 24 an tel bawk.  

Himachal Pradesh-ah hian vote nei mi nuai 55 vel an awm a. BJP leh Congress chuan bial awm zawng zawng an chuh vek a, Aam Aadmi Party chuan bial 67-ah chuhin Bahujan Samaj Party-in bial 53 an chuh a, CPI(M)-in 11 leh CPI-in bial khatah an chuh ve a. Independent-a chuh mi 99 an awm bawk.

BJP chuan ro an rel mekna hmunah hian thuneihna chan zui an tum hle a, hetih lai hian Congress pawhin theihtawp an chhuah a, AAP-in beisei an nei sang hle bawk.

Inrinni tlai dar 3:00 thleng khan vote  57.19% vel a tla tawh.

Himachal Pradesh inthlana vote tlate hi December 5-ah chhiar a ni ang.